மகாராஷ்டிரா மாநிலம் மும்பை அருகே பத்லாப்பூர் என்ற இடத்தில் பள்ளியில் படித்து வந்த நர்சரி வகுப்பு மாணவிகள் இரண்டு பேரை துப்புரவு தொழிலாளி பாத்ரூம்பில் வைத்து பாலியல் வன்கொடுமை செய்த சம்பவம் பெரும் புயலை கிளப்பி இருக்கிறது. இதனால் நேற்று பத்லாப்பூரில் பெற்றோர்கள் மற்றும் பொதுமக்கள் சேர்ந்து மிகப்பெரிய அளவில் போராட்டம் நடத்தினர். அவர்கள் சம்பவம் நடந்த பள்ளியை அடித்து நொறுக்கினர். பாதிக்கப்பட்ட மாணவியின் பெற்றோர் போலீஸ் நிலையத்தில் பல மணி நேரம் காத்திருந்த பிறகே போலீஸார் வழக்கு பதிவு செய்தனர். இது தொடர்பாக 3 போலீஸார் பணியிலிருந்து சஸ்பெண்ட் செய்யப்பட்டனர். அதோடு பொதுமக்கள் ரயில் மறியல் போராட்டத்தில் ஈடுபட்டனர். இதனால் 10 மணி நேரம் ரயில் போக்குவரத்து பாதிக்கப்பட்டது.
இச்சம்பவம் நடந்து முடிவதற்குள் மகாராஷ்டிராவில் மேலும் ஒரு சம்பவம் நடந்துள்ளது. அகோலா மாவட்டத்தில் காசிகேதா என்ற இடத்தில் செயல்படும் ஜில்லா பரிஷத் பள்ளியில் ஆசிரியராக பணியாற்றும் பிரமோத் சர்தார் என்பவர் தனது வகுப்பில் படிக்கும் மாணவிகளிடம் தனது மொபைல் போனில் இருக்கும் ஆபாச வீடியோக்களை காட்டி பாலியல் தொந்தரவு செய்து வந்ததாக கூறப்படுகிறது. நான்கு மாதமாக இது போன்று செய்து வந்துள்ளார். இதையடுத்து தைரியத்தை வரவழைத்துக்கொண்ட மாணவிகள் இது தொடர்பாக குழந்தைகள் ஹெல்ப்லைன் நம்பரில் தொடர்பு கொண்டு புகார் செய்தனர். உடனே முன்கூட்டியே தகவல் கொடுக்காமல் குழந்தைகள் நல கமிட்டி உறுப்பினர்கள் பள்ளிக்கு வந்தனர். அவர்கள் ஒரு மணி நேரம் மாணவிகளிடம் பேசினர்.
பின்னர் பாலியல் தொல்லைக்கு ஆளான 8வது வகுப்பு மாணவிகளிடம் தனியாக பேச வேண்டும் என்று குழந்தைகள் நலக்கமிட்டி உறுப்பினர்கள் தெரிவித்தனர். அதன்படி ஒவ்வொரு மாணவியிடமும் தனித்தனியாக விசாரித்தனர். இதில் நான்கு மாணவிகள் ஆசிரியர் சர்தார் தங்களிடம் ஆபாச வீடியோவை காட்டி தொடக்கூடாத இடங்களில் தொட்டு பாலியல் தொல்லை கொடுத்ததாக தெரிவித்தனர். உடனே இது குறித்து போலீஸில் புகார் செய்யப்பட்டது. போலீஸார் வழக்கு பதிவு செய்து ஆசிரியர் சர்தாரை கைது செய்தனர். இது குறித்து அப்பள்ளி தலைமை ஆசிரியர் ரவீந்திரா கூறுகையில்,'' இச்செய்தியை கேள்விப்பட்டு எங்களுக்கு அதிர்ச்சியாக இருக்கிறது. எனக்கு முன்கூட்டியே தெரிந்திருந்தால் நானே நடவடிக்கை எடுத்திருப்பேன்'' என்றார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/crf99e88
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/crf99e88
