இளம் ஜோடி இரண்டு பேர் பைக்கில் அடையாறு மேம்பாலத்தில் சென்று கொண்டு இருக்கும் போது விபத்து ஏற்பட்டது . பையனுக்கு பலத்த அடி ஏற்பட்டது . ஆனால் பெண்ணுக்கு அடி லேசாக இருந்ததால் , அந்த பெண் பிரச்சனை வந்துவிடக் கூடாது என்பதற்காக ஆட்டோ பிடித்து தப்பி சென்றுவிட்டார் .
மயிலாப்பூரில் இருந்து திருவாண்மியூர் நோக்கி வந்து கொண்டு இருந்த அந்த ஜோடி , பைக்கில் அதிவேகமாக பயணித்தனர் . அப்போது அடையாறு மேம்பாலத்தில் சென்று கொண்டு இருக்கும் போது , அதிவேகத்தில் வந்ததால் பைக்கை திருப்ப முடியாமல் சுவற்றில் முட்டினார் . படங்களில் வருவது போல இருவரும் பறந்தனர் . வாலிபருக்கு பயங்கர அடி ஏற்பட்டது . ஆனால் அந்த இளம்பெண் அங்கே நின்று கொண்டு இருந்த ஜிப் மீது விழுந்தார் . இதனால் லேசான காயம் ஏற்பட்டது .
அங்கே இருந்த வாகன ஓட்டிகளும் , பொது மக்களும் இதைக் கண்டு அதிர்ச்சியில் உரைந்தனர் . போலிஸ் அங்கே வந்து அந்த வாலிபரை மருத்துவமனையில் அனுமதித்தனர் . ஆனால் அந்த பெண் யாருக்கும் தெரியாமல் நழுவி , ஆட்டோ பிடித்து ஓடி விட்டார் . அந்த வாலிபருக்கு அடி பயங்கரமாக விழுந்ததால் அவர் கோமா நிலைக்கு தள்ளப்பட்டுள்ளார் .
