விக்கிபிடீயா சைட்டை இயக்கும் விக்கிமீடியா என்னும் நிறுவனத்திடம் ஒரு போட்டோக்காரர் தன்னுடைய போட்டோவை இலவசமாக இணையத்தில் பதிவிட்டதால் தனது வாழ்வாதாரத்திற்கு ஊறுவிளைக்கிறது என்றும் அதனால் அந்த போட்டோவை இணையத்தில் இருந்து நீக்க வேண்டும் என பலமுறை தகவல் அனுப்பியும் , அந்த கோரிக்கையை நிராகரித்தது விக்கிபீடியா . 

இங்கிலாந்தில் உள்ள பிரபல போட்டோக்காரர் டேவிட் ஸ்லேடர் . இவர் ஒரு குரங்கு படம் ஒன்றை எடுக்க இண்டோனெஷியா சென்று இருந்தார் . பல முயற்சியில் ஈடுபட்டு இருந்த அவரால் ஒருமுறை கூட சிறந்த படத்தை எடுக்க முடியவில்லை . அப்படி அவர் எடுத்துக் கொண்டு இருக்கும் போது குரங்கு அவரது கேமரா ஒன்றை எடுத்துச் சென்று ஷட்டர் பட்டனை அமுக்கிக் கொண்டே இருந்தது . அந்த குரங்கு கிட்டத்தட்ட 100 செல்பி எடுத்தது . பல போட்டோக்கள் மோசமாக இருந்தாலும் , சில போட்டோக்கள் நச்சென்று விழுந்தது . இதனை அவர் இணையத்தில் பதிவிட அவர் புகழின் உச்சிக்குச் சென்றார் .

அவர் தனது சொந்த வாழ்வாதாரத்திற்காக இப்போது அந்த போட்டோவிற்கு உரிமம் கொண்டாடி வருகிறார் . ஆனால் விக்கிபீடியா அந்த போட்டோவை குரங்கு தான் எடுத்தது . எனவே இவர் சொந்தம் கொண்டாட முடியாது எனக் கூறி வாதாடுகிறது .