வட்டி பணத்தை வாங்க வீட்டுக்கு செல்லும்போது, விஜயாவின் 15 வயது மகள் அனிதாவிடம் (தாய், மகள் பெயர் மாற்றப்பட்டுள்ளது) ஆசைவார்த்தை கூறி, அவளை திருமணம் செய்துகொள்வதாக கூறியுள்ளார். இதையடுத்து கடந்த 2012–ம் ஆண்டு பிப்ரவரி 27–ந் தேதி அனிதாவை திருப்பதிக்கு அழைத்து சென்றுவிட்டார்.
இதுகுறித்து விஜயா கொடுத்த புகாரின் அடிப்படையில், அயனாவரம் போலீசார் சோமசுந்தரராஜ் மீது சிறுமி கடத்தல் மற்றும் கற்பழிப்பு சட்டத்தின்கீழ் வழக்குப்பதிவு செய்தனர். இந்த வழக்கு சென்னை மாவட்ட மகளிர் கோர்ட்டில் விசாரிக்கப்பட்டது. வழக்கை விசாரித்த நீதிபதி மீனாசதீஷ், ‘சோமசுந்தரராஜ் மீது சுமத்தப்பட்ட கற்பழிப்பு குற்றச்சாட்டு நிரூபிக்கப்படவில்லை என்றாலும், மைனர் பெண்ணை கடத்திச்சென்ற குற்றச்சாட்டு நிரூபிக்கப்பட்டுள்ளது. எனவே, அவருக்கு 10 ஆண்டு ஜெயில் தண்டனையும், ரூ.10 ஆயிரம் அபராதமும் விதிக்கிறேன்‘ என்று கூறியுள்ளார்.
