தூத்துக்குடி மாநகராட்சிக்கு உட்பட்ட பாளையங்கோட்டை சாலையிலுள்ள வ.உ.சி கல்லூரியின் முன்புறம் உள்ள பகுதியில், நமக்கு நாமே திட்டம் 2023 - 2024 கீழ் ரூ.56 லட்சம் மதிப்பீட்டில் பெண்களுக்கென பிரத்யேக “மகளிர் பூங்கா” என்னும் பிங்க் பூங்கா திறக்கப்பட்டு செயல்பாட்டுக்கு வந்துள்ளது.
இந்த பெண்களுக்கான பிரத்யேக பூங்காவை அக்டோபர் 25 அன்று திறந்து வைத்த தூத்துக்குடியின் எம்.பியான கனிமொழி பெண்களுக்கு உற்சாகம் அளிக்கும் வகையில் பூங்கா அமைக்கப்பட்டுள்ளதாக தெரிவித்தார்.
நிபுணர்களின் திறன் அடிப்படையிலான பயிற்சி இங்கு வழங்கப்படுவது, பெண்கள் சொந்தமாக தொழில் தொடங்க வழி செய்யும் மற்றும் பெண்கள் புதிய திறன்கள் கற்றுக்கொள்ளவும் அவர்களின் பொருளாதாரத்தை வலுவூட்டவும் உதவும் என பூங்காவின் திறப்பு விழாவில் கனிமொழி கூறினார்.
காலை 6 - 9 மணி மற்றும் மாலை 4 - 9 வரை இந்த பெண்களுக்கான பூங்கா செயல்படுகிறது. எந்த முன்பதிவுமின்றி எப்போது வேண்டுமானாலும் எந்த வயதைச் சார்ந்த பெண்களும் எளிதில் பூங்காவை பயன்படுத்தி பயன்பெறும் வகையில் செயல்பட்டு வருகிறது.
பூங்காவில் யோகா பயிற்சிக் கூடம், இறகுப் பந்து மைதானம், சிறப்பு அம்சமாகச் சூரிய ஒளியில் இயங்கக்கூடிய குளிர்சாதன வசதியுள்ள உடற்பயிற்சிக் கூடம், டென்னிஸ் மைதானம், ரோப் பிரிட்ஜ் உள்ளிட்ட பல்வேறு சிறப்பம்சங்கள் இடம்பெற்றுள்ளன.
தினந்தோறும் காலை 6 முதல் 7 மணி வரை யோகா பயிற்சி வகுப்புகள் நடைபெறுகிறது மற்றும் மாலை 5 முதல் 6 மணி வரை ஜூம்பா நடனப்பயிற்சி வகுப்புகள் நடைபெற்று வருகிறது.
பிரத்யேக உடற்பயிற்சி கூடம் சிறந்த முறையில் செயல்பட்டு வருகிறது. அத்தனை வயது தரப்பினரும் எளிதில் பயன்பெறும் வகையில் பூங்கா அமைக்கப்பட்டுள்ளது.
எம்ராய்டிங், ஆரி ஒர்க், சிறுதானிய உணவு வகைகள் தயாரிப்பு, நகை தயாரிப்பு, ஓவியப் பயிற்சி, விளையாட்டுப் பொருட்கள் தயாரிப்பு, அழகு கலைப் பயிற்சி, கைவினைப் பொருட்கள் தயாரிப்பு போன்ற பயிற்சிகளை வருங்காலத்தில் இந்த பூங்காவில் செயல்படுத்த உள்ளதாக நிர்வாகிகள் தெரிவித்தனர்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb
