பிளிப்கார்ட் தளம் அக்டோபர் 6 ஆம் தேதி தனது பயனாளர்கள் அனைவருக்கும் பிக் பில்லியன் சேல் என்ற பெயரில் அதிரடி தள்ளுபடி விற்பனை செய்தது . பலர் இந்த செய்தியைக் கேட்டு பிளிப்கார்ட் தளத்தை முற்றுகையிட்டனர் . அவர்கள் தங்களின் பொருட்களுக்கு 30 சதவீதம் முதல் 90 சதவீதம் வரை சலுகை தருவதாக அறிவித்தனர் . இது இன்னும் கொஞ்சம் அதிகமாகி சில பொருட்களை ஒரு ரூபாய்க்கு விற்பதாக கூறினர் .
பிளிப்கார்ட் நிறுவனத்துக்கு இந்த விற்பனை மக்களிடம் நல்ல பெயரை வாங்கி கொடுக்கும் என்று நினைத்தனர் . ஆனால் இது அவர்கள் பெயரைக் கெடுத்துள்ளது என்று தான கூற வேண்டும் . ஆம் , டிவிட்டர் , பேஸ்புக் போன்ற தளங்களில் மக்கள் இதைக் குறை கூறிக் கொண்டு தான் இருக்கின்றனர் . அதாவது பிளிப்கார்ட் தள்ளுபடி தரும் பொருட்களை விலையை சில நாட்களுக்கு முன் கூட்டி விட்டு பின்னர் தள்ளுபடி என்ற பெயரில் அதன் உண்மையான விலையில் விற்பதாக சிலர் குறை கூறுகின்றனர் .
இந்த விற்பனை உண்மையா ?? இதை உறுதிப்படுத்த கூகுள் குரோமின் எஸ்டென்சனான கம்பெர் ஹேட்கே மூலம் பரிசோதனை செய்ய முடியும் . இந்த எஸ்டென்சன் மூலம் ஒரு பொருளின் தற்போதைய விலையை அதற்கு முந்தைய மாதத்தின் விலையுடன் ஒப்பிட முடியும் .
அவர்கள் ஏமாற்றுவது இந்த படங்களைப் பார்த்தால் நன்றாகப் புரியும் !!
குறைவான விலையில் சில மாதங்களாக இருந்த அந்த பொருட்கள் திடீரென இன்று விலை உயர்ந்து இருப்பதை நீங்கள் பார்க்கலாம் .
மேலும் பிளிப்கார்ட்டில் இருக்கும் ஒரு புடவை அதை விட குறைவாக பாதி விலையில் சோச் தளத்தில் இருப்பதை இந்த படம் மூலம் காணலாம் .
மேலும் பொருட்களை வாங்க முயன்ற பலருக்கு " அவுட் ஆப் ஸ்டாக் " என்ற தகவல் தான் பலமுறை கிடைத்துள்ளது . பலருக்கு தளம் கிராஷ் ஆகி உள்ளது .
