பெட்ரோல் விலை லிட்டருக்கு ரூ.2.41 குறைக்கப்பட்டுள்ளது; டீசல் விலை லிட்டருக்கு ரூ.2.25 குறைக்கப்பட்டுள்ளது. சர்வதேசச் சந்தையில் கச்சா எண்ணெயின் விலை குறைந்துள்ளதால் பெட்ரோல், டீசல் விலையை இந்திய எண்ணெய் நிறுவனங்கள் குறைத்துள்ளன. அதன்படி, சென்னையில் ஒரு லிட்டர் பெட்ரோல் விலை ரூ.69.59-இல் இருந்து, உள்ளூர் வரியையும் சேர்த்து ரூ.2.58 குறைக்கப்பட்டு ரூ.67.01-க்கு விற்பனை செய்யப்படுகிறது. தில்லியில் பெட்ரோல் விலை ரூ.66.65-இல் இருந்து, ரூ.2.41 குறைக்கப்பட்டு ரூ.64.24-க்கு விற்பனை செய்யப்படுகிறது. கொல்கத்தாவில் பெட்ரோல் விலை ரூ.74.21-இல் இருந்து ரூ.71.68 ஆகவும், மும்பையில் ரூ.74.46-இல் இருந்து ரூ.71.91 ஆகவும் குறைக்கப்பட்டுள்ளது.
சென்னையில் ஒரு லிட்டர் டீசல் விலை ரூ.59.27-இல் இருந்து, ரூ.2.43 குறைக்கப்பட்டு ரூ.56.84-க்கு விற்பனை செய்யப்படுகிறது. தில்லியில் ஒரு லிட்டர் டீசல் விலை ரூ.55.60-இல் இருந்து, ரூ.2.25 குறைக்கப்பட்டு ரூ.53.35க்கு விற்பனை செய்யப்படுகிறது. கொல்கத்தாவில் டீசல் விலை ரூ.60.30-இல் இருந்து ரூ.57.95 ஆகவும், மும்பையில் ரூ.63.54-இல் இருந்து ரூ.61.04 ஆகவும் குறைக்கப்பட்டுள்ளது. சென்னையில் ரூ.69.59-க்கு விற்கப்பட்டு வந்த ஒரு லிட்டர் பெட்ரோல் ரூ.67 ஆகவும், ரூ.59.27-க்கு விற்பனையான ஒரு லிட்டர் டீசல் ரூ.56.84 ஆகவும் விலை குறைக்கப்பட்டுள்ளது. மானியமில்லா சமையல் எரிவாயு விலை குறைப்பு: இதனிடையே, மானியமில்லா சமையல் எரிவாயு சிலிண்டரின் விலை ரூ.18.50 குறைக்கப்பட்டுள்ளது. அதன்படி, 14.2 கிலோ எடையுள்ள ஒரு சிலிண்டரின் விலை ரூ.865ஆக குறைந்துள்ளது. கடந்த ஆகஸ்ட் மாதத்தில் இருந்து நான்காவது முறையாக விலை குறைக்கப்பட்டுள்ளது குறிப்பிடத்தக்கது.