இதற்கு முன்னெப்போதும் இல்லாத நிலையில் , சவூதியில் செய்தி வாசிப்பாளராக பணி செய்யும் பெண் , தலையில் பர்தா இல்லாமல் திரையில் செய்தி வாசித்தார் . இதனால் கடும் விதிமுறைகளை பின்பற்றும் சவூதியில் பரபரப்பு ஏற்பட்டுள்ளது .
சவூதியில் பெண்கள் மிகவும் கட்டுக்கோப்புடன் உடை உடுத்த வேண்டும் . பெயர் வெளியிடாத இந்த செய்தி வாசிப்பாளர் லண்டனில் இருந்து , அல் எக்பரியா என்னும் சேனலுக்கு செய்தி வாசித்தார் .
செய்தி தொடர்பு அதிகாரி ஒருவர் கூறுகையில் , " அந்த பெண் செய்தி வாசிக்கும் ஸ்டுடியோ லண்டனில் இருந்தது . எங்கள் நாட்டின் மதிப்புகள் மற்றும் கலாச்சாரத்துக்கு எதிராக ஏற்படும் எந்த செயலையும் பொறுத்துக் கொள்ள மாட்டோம் . இது போன்ற செயல் இனிமேல் நடைபெறாமல் பார்த்துக் கொள்வோம் " என்றார் .
