உலகின் மிக ஆபத்தான 10 நாடுகளின் பட்டியலில் பாகிஸ்தான் 8-ஆவது இடத்தில் உள்ளது. அமெரிக்க உளவு அமைப்புகளுடன் இணைந்து பணியாற்றும் "இன்டெல்சென்டர்' என்று ஆய்வு நிறுவனம், செவ்வாய்க்கிழமை வெளியிட்ட அறிக்கையில் கூறப்பட்டுள்ளதாவது:
உலகின் மிக ஆபத்தான நாடுகளின் பட்டியலில் இராக் முதலிடத்தில் உள்ளது.
அதனையடுத்து நைஜீரியா இரண்டாவது இடத்திலும், சோமாலியா மூன்றாவது இடத்திலும் உள்ளன. இந்தப் பட்டியலில் ஆப்கானிஸ்தான் நான்காவது இடத்தில் உள்ளது. அதற்கு அடுத்தடுத்த இடங்களில் யேமன், சிரியா, லிபியா, பாகிஸ்தான், எகிப்து, கென்யா ஆகிய நாடுகள் உள்ளன. கிளர்ச்சி அபாயம், தகவல் பரிமாற்றங்கள், விடியோக்கள், புகைப்படங்கள், வன்முறைச் சம்பவங்கள், கொல்லப்பட்டவர்களின் எண்ணிக்கை ஆகியவற்றை அடிப்படையாகக் கொண்டு இந்தப் பட்டியல் தயாரிக்கப்பட்டுள்ளது.
