இப்படத்தில் சித்தார்த் நாயகனாகவும் வேதிகா நாயகியாகவும் நடிக்கின்றனர். இவர்களுடன் பிருத்விராஜ், நாசர், அனைகா ஆகியோரும் நடித்துள்ளனர். இப்படத்திற்கு இசைப்புயல் ஏ.ஆர்.ரகுமான் இசையமைத்துள்ளார். ஏ.ஆர்.ரகுமானின் இசையில் ஏற்கெனவே 6 பாடல்கள் பதிவு செய்யப்பட்டுள்ளன. ஒய் நாட் ஸ்டுடியோஸ் இத்திரைப்படத்தை தயாரித்து வருகிறது.
அந்தக் கால இசை மற்றும் நாடகக் கலைஞர்களின் வாழ்க்கையை பிரதிபலிக்கும் வகையில் இப்படம் இருக்கும் என்று பலரும் கூறுகின்றனர். எனவே, இப்படத்தின் பாடல்கள் எப்போது வெளிவரும் என்று ரசிகர்களிடையே எதிர்பார்ப்பு உள்ளது. இந்த எதிர்பார்ப்பை நிறைவேற்றும் வகையில் ஆகஸ்ட் 18-ம் தேதி பாடல்களை வெளியிடவுள்ளதாக படக்குழுவினர் கூறியுள்ளனர்.
இறுதிக் கட்டத்தை எட்டியுள்ள இப்படம் மிக விரைவில் திரைக்கு வரவுள்ளது.
